GANGA STYLE

Kontsumo gizartea asentatzen denean, erosketak ez dira behar bat asetzeko egiten, plazerra bilatzeko baizik (“shopping egitea” ezagutzen duguna). Mass media-ek (informatzaileek eta fikziozkoek ere bai) erosketak egitearen esperientzia hori sustatu eta saldu dute, gure gizartean aisialdiko ekintza famatuena bihurtuz.

Baina mass media-k ez dira shopping-a egitera bultzatzen gaituzten arduradun bakarrak. Denda eta marka handiek inbertsio handiak egiten dituzte diseiñu eta marketing-ean kontsumitzailea seduzitzeko asmoarekin. Argiak, musika, usaina, kokapena… dena pentsatua dago “magia egoera” horretan sartzeko: euforia eta tentazio giroan, emozioek gure burua mendean hartzen dute eta irrazionalki erosten bukatzen dugu.

Dirudienez, produktu bat erosteak (beharrezkoa izan ala ez) psikologikoki poztasun dosi txiki bat ematen digu. Egia esan, oldarkorki erosteak dirua galtzea eta arropa armairuan pilatzea ekartzen du. Hori dela eta, gure buruari galdetu beharko genioke zenbat irauten digun poztasun momentu honek eta ea zer edo zer ematen digun…